Steingrímur J. Sigfússon söðlar um
Búinn að fá nóg af Vinstri-Grænum
Alveg glatað lið þarna, segir hann
Steingrímur J. Sigfússon, fjármálaráðherra hefur sagt af sér formennsku í Vinstri-Grænum og jafnfram gengið formlega úr flokknum. Hann hyggst ganga í Sjálfstæðisflokkinn eftir helgi.
“Já, ég hef ákveðið að ganga í Sjálfstæðisflokkinn og bjóða mig þar fram til formanns”, sagði Steingrímur í stuttu spjalli við Grefilinn.
Hvað veldur þessum sinnaskiptum?
“Æji … ég er bara búinn að fá nóg af þessu VG-liði, sínöldrandi og grafandi undan manni alltaf hreint. Ég nennti þessu ekki bara lengur … segi það bara alveg eins og það er.”
Heldurðu að þú fáir stuðning í formannsstól Sjálfstæðisflokksins í haust?
“Já, ég held það. Af hverju ekki? Ég er mjög vanur stjórnmálum og þá vantar einmitt þannig mann í brúnna. Þetta eru eintómir plebbar og pabbastrákar þarna núna. Auk þess er ég fjármálaráðherra þannig að um leið og ég er orðinn formaður þá er Sjálfstæðisflokkurinn kominn í stjórn.”
Ertu viss um að það virki þannig?
“Já, auðvitað virkar það þannig.”
Ekki náðist í neinn til að leita álits á þessum tíðindum enda allir komnir í helgarfrí.
Athugasemdir