Stal tveimur kindalærum
Lærin enn föst á kindinni.
Maður á miðjum aldri var í gær dæmdur í Héraðsdómi Norðurlands til tveggja mánaða óskilorðsbundinnar fangelsisvistar fyrir að stela tveimur kindalærum úr fjárhúsi bóndans á Skálastöðum í Eyjafjarðarsveit.
Þjófnaðurinn þótti ansi bíræfinn enda voru lærin enn föst á kindinni þegar maðurinn stal þeim.
Það voru árvökulir lögreglumenn Lögreglunnar á Akureyri sem komust á sporið þegar þeir voru að sinna venjubundnu eftirliti inni í dal. Náðist maðurinn á hlaupum með lærin en játaði síðan brot sitt umyrðalaust eftir handtöku.
Til viðbótar fangelsisvistinni var maðurinn, sem hefur margoft áður komið við sögu lögreglunnar, dæmdur til greiðslu alls sakakostnaðar.
Athugasemdir